ABŞ-ın Kentukki ştatında keçirilən dini tədbirdə 20 minə yaxın insanın qızılca xəstəliyinə tutulma riski altında ola biləcəyi bildirilib.

Aztibb.az bu barədə medimagazin.com.tr-yə istinadla xəbər verir.

ABŞ-ın Xəstəliklərə Nəzarət və Qarşısının Alınması Mərkəzlərindən verilən açıqlamada, Kentukki ştatının Wilmore şəhərindəki Asbury Universitetində keçən ay bir xristian qrupu tərəfindən təşkil edilən tədbirə qatılan bir nəfərə sonradan qızılca diaqnozu qoyulduğu barədə xəbərdarlıq edilib.

“Əgər 17-18 fevral tarixlərində Asburi Universitetinin iclasında iştirak etmisinizsə, qızılcaya qarşı peyvəndiniz yoxdursa və ya natamamsınızsa, başqalarını qızılcaya yoluxdurmamaq üçün 21 gün karantində olmalı və simptomlarınızı izləməlisiniz”, - deyə məlumatda bildirilir. 

Bəyanatda, həmçinin peyvənd olunmamış insanlara qızılca, parotit və məxmərək (MMR) peyvəndi edilməsi tövsiyə olunur.

Səlahiyyətlilər xəbərdarlıq edir ki, qızılca virusu tənəffüs yolu ilə çox yoluxucudur və bununla bağlı peyvəndlərin hazırlanmasına baxmayaraq, bütün dünyada bu epidemiyanın, xüsusən də uşaq ölümlərinin əsas səbəbidir.