Kanadada 22 həftəlik doğulan əkizlər dünyanın ən erkən doğulan əkizləri olaraq "Ginnesin Rekordlar Kitabı"na düşüb.

Aztibb.az medimagazin.com.tr-yə istinadla xəbər verir ki, Adiah və Adrial Nadarajah adlı körpələr vaxtından 126 gün əvvəl doğulub və 2018-ci ildən bəri 125 günlə rekorda sahib olan ABŞ körpələrini geridə qoyublar.

Guinness tərəfindən edilən açıqlamada, körpələr 22 həftədən 1 saat tez doğulsa belə xəstəxanada həyat qurtarma cəhdlərinin edilməyəcəyi vurğulanıb. Beləliklə, körpələr 40 həftəlik normal hamiləlik müddətindən 18 həftə tez doğulublar.

Ana Shakina Rajendram qeyd edib ki, 21 həftə 5 günlük olanda sancıları başlayıb, həkimlər isə körpələrin kifayət qədər inkişaf etmədiyi üçün onların sağ qalma şansının 0 faiz olduğunu bildiriblər. Onun sözlərinə görə, körpələr gecə yarısına bir neçə dəqiqə qalmış 21 həftə 6 günlük olanda doğulsalar belə həkimlər əkizləri xilas etmək üçün müdaxilə edə bilməyəcəklərini deyiblər. 

Doğuşdan sonra da çətin günlər keçirən körpələrin indi təxminən bir yaşı var. Hələ də həkimlər tərəfindən yaxından izlənilən əkizlərin səhhəti hazırda yaxşıdır.