Elm adamları yeni araşdırmada mikro və nano plastiklərin dölün bütün orqanlarına çata biləcəyini ortaya çıxarıblar. Bu vəziyyətin körpənin inkişafına zərər verə biləcəyini vurğulayan mütəxəssislər, gələcək anaları plastik butulkalardan istifadə etməməyə çağırıblar.

Aztibb.az medimagazin.com.tr-yə istinadla xəbər verir ki, Roma Tor Verqata Universitetinin uzman embrioloqu Luisa Campagnolo xəbərdarlıq edib ki, mikro və nano-plastiklərin insan toxuması ilə qarışdığına dair artan sübutlar var. Əvvəlki tədqiqatlar göstərib ki, plastikin parçalanmasının əlavə məhsulu olan mikroskopik hissəciklər insan qanına və hətta plasentaya çata bilir və bioloji prosesləri poza bilər.

Amerika Elmin İnkişafı Assosiasiyasının illik konfransında təqdim edilən siçanlar üzərində aparılan yeni bir araşdırma, plastiklərin dölün orqanlarına çata biləcəyi iddiasını ortaya qoyub.

ABŞ-ın Rutgers Universitetində nanoelm və ətraf mühitin biomühəndisliyi üzrə mütəxəssis Philip Demokritou, heyvanlar üzərində aparılan araşdırmaların "çox narahatedici" olduğunu söyləyib.

“Biz hamilə heyvanın mədəsindən alınan mikro və nano-plastikləri 24 saat sonra plasentada tapdıq. Daha da vacibi, biz onları dölün hər bir orqanında tapdıq və bu, maddələrin uşağın inkişafına zərər verə biləcəyini göstərir", - deyə Philip Demokritou bildirib.