Həkim bildirib ki, qidanın enerji dəyəri kalori vahidi ilə ölçülür. Sağlam çəkidə qalmaq üçün orta fiziki aktiv kişi üçün gündəlik kalori ehtiyacı 2500 kaloridirsə, orta fiziki aktiv qadın üçün 2000 kaloridir. Bu rəqəm həddini aşıb fiziki aktivliyiniz az olarsa, kalorilər bədəndə yağ olaraq yığılacaq.

 

Nigar Cəfərovanın sözlərinə görə, aşağıdakı qidaların hamısı piylənməyə yol açır:

İşlənmiş qidalar və "fast food"lar - tərkibində yüksək dərəcədə yağ və şəkər olur

Spirtli içki, hazır meyvə şirələri - yüksək kaloriyə sahib qidalar

Sizə ehtiyac olandan çox kalorili qida qəbulu

Fiziki aktivlik - Oturaq həyat tərzi piylənmənin əsas səbəblərindən biridir.

 

Diyetoloq qeyd edib ki, ÜST böyüklərə həftədə azı 150 dəqiqə orta intensivli aerobik idmanla məşğul olmağı məsləhət görür:

 

Genetika. Piylənmə və artıq çəki ilə əlaqəli bəzi genlər var. Bəzi insanlarda genlər bədənlərinin qidaları enerjiyə çevrilməsinə və yağın saxlanmasına təsir göstərə bilər.

Tibbi səbəblər. Hipotireodizm, Kuşinq sindromu və s. kimi xəstəliklərin əlaməti kimi piylənmə yarana bilir. Bəzi dərmanlar, məs. steroidlər, epilepsiya və diabet dərmanları, psixiatrik dərmanların yan təsiri kimi piylənmə inkişaf edə bilər.