"Həkimlərimizi tanıyaq!" rubrikamızda sizləri Almaniyada fəaliyyət göstərən azərbaycanlı həkim Fuad Məmmədovla tanış edəcəyik.

Fuad Məmmədov 05 mart 1991-ci ildə Şirvan şəhərində anadan olub. 2008-ci ildə M.B.İsrayılov adına 18 nömrəli təbiət və humanitar təmayüllü məktəb-liseyinin bitirərək Azərbaycan Tibb Universitetinin Müalicə işi fakültəsinə daxil olub.

“2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”na əsasən 2010-cu ildə Almaniyanın Hannover şəhərində Hannover Tibb Univeristetinə daxil olub və 2017-ci ildə həmin universiteti fərqlənmə ilə bitirib.

Fuad Məmmədov 2018-ci ildən Almaniyanın ən nüfuzlu xəstəxanalar şəbəkəsindən olan Diakovere xəstəxanasında cərrah kimi fəaliyyət göstərir. Həkim bir çox uğurlu cərrahi əməliyyatlar icra edib. 

Azərbaycan gənclərindən çox az sayda olan şəxslərdəndir ki, Almaniyada tibb üzrə həm bakalavr, həm də uzmanlıq səviyyəsində təhsil alıb.

Daim öz üzərində çalışan Fuad Məmmədov Avropanın bir çox ölkələrində keçirilən beynəlxalq konqreslərdə, konfranslarda və simpoziumlarda iştirak edir.