Aztibb.az tibb və sağlamlığa dair dəyərli kitabları oxucularına tövsiyə edir. 

Alternativ təbabətin çox saylı nümayəndələri kimi Kasudzo Nişi (1884-1959)  də illərlə öz rahatsızlığının səbəblərini və onlarla mübarizə üsullarını araşdırıb.  

Çox gənc yaşlarında ona bağırsaq vərəmi və ağ ciyərin limfatik iltihabı diaqnozu qoyulub. Bu proqnozlara görə o, 20 yaşa qədər yaşamalı idi. Odur ki, o, ciddi olaraq insan orqanizmini, onun mexanizmini və ehtiyatlarını öyrənməyə başlayır. Başa düşür ki, sadəcə xəstələyin müalicə vasitəsini tapmaq yox, bütövlükdə orqanizmi bərpa etmək üçün bütöv sağlamlaşdırıcı sistemi tapmaq lazımdır. 

Nişi qeyd edib ki, xəstəliklər dörd səbəbdən yaranır: skeletin dəyişməsi; daxili orqanların dəyişməsi; orqanizmin ümumi sularının (qan, limfalar və digər mayelər) dəyişməsi; ruhi gücün azalması. 

Onun yaratdığı sağlamlıq sistemi müxtəlif xəstəliklər ilə mübarizə üsullarını təklif etmir, sağlamlığı qorumaq və ya qaytarmaq üsulunu təklif edir.

Kitab “Qanun” nəşriyyatı tərəfindən Azərbaycan dilində də çap edilib.