Türkiyə Səhiyyə Nazirliyi tərəfindən xüsusi qayğıya ehtiyacı olan uşaqların qidalanmasına elmi və müasir yanaşmaları özündə əks etdirən qidalanma kitabı hazırlanıb.

Aztibb.az xəbər verir ki, "Anadolu Ajans" agentliyinin müxbirinin əldə etdiyi məlumata görə, nazirlik xüsusi qayğıya ehtiyacı olan şəxslərdə yarana biləcək qidalanma problemlərinin qarşısının alınması, onların erkən aşkarlanması, düzgün və effektiv müdaxilə və müalicələrin aparılması, bu sahədə yanlış təcrübələrin qarşısının alınması üçün tədbirlər görür.

Bu çərçivədə "Xüsusi ehtiyacı olan uşaqlar üçün qidalanma kitabı" öz sahələrində mütəxəssis olan alimlər, xüsusilə uşaq və yeniyetmələrin psixi sağlamlığı, uşaq sağlamlığı və xəstəlikləri mütəxəssisləri, dietoloqlar və uşaq inkişafı mütəxəssisləri tərəfindən hazırlanıb.

Uşaqlarla təmasda olan səhiyyə işçiləri, xüsusilə xüsusi ehtiyacı olan uşaqlarla məşğul olan mütəxəssis həkimlər və diyetisyenlər üçün hazırlanmış kitab həm də ailələr və baxıcılar üçün mühüm mənbədir.

Sağlam qidalanma tövsiyələri, müxtəlif xüsusi ehtiyaclı diaqnoz qruplarına görə qidalanma problemləri və bu mövzuda tətbiq ediləcək müdaxilə üsullarının yer aldığı kitab 6 fəsildən ibarətdir.

Kitabın birinci hissəsi uşağın sağlam qidalanması, böyümə və inkişafı, ana südünün əhəmiyyəti və əlavə qidalanma prinsipləri kimi əsas mövzuları əhatə edir. Digər bölmələrdə autizm, diqqət əskikliyi, hiperaktivlik pozuqluğu, zehni inkişaf geriliyi, Daun sindromu, spesifik öyrənmə pozğunluğu və bunlara qarşı qidalanma yanaşmaları kimi xüsusi ehtiyacı olan qrupların yemək problemləri, inkişaf və duyğusal müdaxilə üsulları müzakirə edilir.

Kitabda həmçinin mümkün qida əlavələri və effektivliyi sübuta yetirilməmiş pəhriz modelləri ilə bağlı elmi ədəbiyyata əsaslanan dəqiq məlumatlar daxildir.

Kitab Səhiyyə Xidmətləri Baş Müdirliyinin Autizm, Psixi, Xüsusi Ehtiyaclı və Nadir Xəstəliklər Şöbəsinin internet saytından əldə edilə bilər.