Aztibb.az tibb və sağlamlığa dair dəyərli kitabları oxucularına tövsiyə edir.

Türkiyənin məşhur ürək-damar həkimi Hüseyin Bozbaş bu kitabını 20 illik fəaliyyəti dövründə topladığı təcrübə, ürək-damar xəstələrinin, xüsusilə yüksək xolesterin səbəbindən damar tıxanmalarına məruz qalmış pasiyentlərin real hekayələri əsasında yazıb.

İnsanların məlumatsızlığı nəticəsində düşdükləri çətin vəziyyətlərdən təsirlənərək qələmə aldığı əsəri dəyərli maarifləndirici tibbi vəsait hesab etmək olar.

Müəllif asan və anlaşıqlı dildə yazdığı və mürəkkəb tibbi terminlərlə yükləmədiyi kitabda ürək-damar xəstəliklərinin, xüsusilə xolesterinin tarixi təşəkkül prosesindən, damar daralmalarına səbəb olan risk faktorlarından, bu xəstəliklərdən qorunma yolları, onların dərmanla və dərmansız müalicə üsullarından ətraflı məlumat verir.

Kitabda “Risk faktorları ilə necə davranmalıyıq?” suallarına cavab verilir. Qeyri-dərmansız müalicə üsullarından danışılır.

Kitab “Qanun” nəşriyyatı tərəfindən Azərbaycan dilində də çap edilib.