Dünyanın nüfuzlu universitetlərindən biri olan Kembric Universitetinin alimləri 30 milyondan çox insanı əhatə edən 196 elmi araşdırmanının nəticələrinə əsasən gündə 11 dəqiqə gəzməyin vaxtından əvvəl ölüm və xəstəlik riskini xeyli azaltdığı qənaətinə gəliblər.

Aztibb.az-ın www.washingtonpost.com-a istinadla xəbərinə görə, elm adamları həftədə 75 dəqiqə hərəkət etmənin vaxtından əvvəl ölüm və ürək-damar xəstəlikləri və bəzi xərçəng növləri riskini azaltdığını açıqlayıblar.

Tədqiqatçı Soren Brage gündə 11 dəqiqə idman etməyin yaxşı bir başlanğıc olduğunu qeyd edib: “Orta intensivlikli məşqlər qaçış və ya idman deyil. Bu, işə getmək və ya velosiped sürmək ola bilər. Övladlarınız və nəvələrinizlə oyun oynamağı bu məşqlər arasında saymaq olar".