Harvard Universitetinin Tibb fakültəsinin alimlərinin də daxil olduğu tədqiqat qrupu apardıqları araşdırmalara əsasən kişilərin 5 il, qadınların isə 2 il daha çox yaşamasının sirrini tapıblar.

Aztibb.az-ın www.ntv.com.tr-yə istinadla xəbərinə görə, genişmiqyaslı tədqiqat ölümlərin təxminən 8 faizinin zəif yuxu rejimi ilə əlaqəli olduğunu ortaya qoyub.

Alimlər müəyyən ediblər ki, müntəzəm olaraq çox yatan kişilər digərlərindən təxminən 5 il daha çox yaşaya bilirlər. Qadınlar üçün bu rəqəm 2 il olaraq təyin olunub.

Komanda keyfiyyətli yuxu vərdişləri olan yeniyetmələrin də erkən ölmə ehtimalının daha az olduğunu müəyyən edib.

Tədqiqatçılar keyfiyyətli yuxunu bu amillərə əsaslandırırlar:

Gecə ideal 7-8 saat yuxunu tamamlamaq

Heç bir yuxu dərmanı istifadə etməmək
Yuxu rejimini həftə ərzində pozmamaq

Rahat yatmaq və yuxuya getməkdə çətinlik çəkməmək.