Həkimin sözlərinə görə, varikozlu damarda klapanlar tam bağlana bilmir və belə damarda qan əks istiqamətdə axır. Digər damarlar həm öz işini görməli, həm də əlavə olaraq varikozlu damarla geri qayıtmış qanı ötürməlidir. Məhz bu səbəbdən varikozlu damarlar damar sisteminin normal işinə mane olur.

 

Cabir Gülmalıyev bildirib ki, varikozun vaxtında müalicəsi sağlam damarları qorumağa imkan verir, trofik yaranın, trombların və digər varikoz ağırlaşmalarının qarşısını almağı mümkün edir. Müalicədən sonra sağlam damarlara olan təzyiq də azalmış olur.