"JAMA Pediatrics" jurnalında 16 ölkədən yemək pozğunluğu ilə bağlı ekspertlər tərəfindən 32 araşdırmanın tərtibi və təhlili dərc olunub.

Aztibb.az medimagazin.com.tr-yə istinadla bildirir ki, uşaq və yeniyetmələrin yüzdə 22-də qidalanma pozğunluğu əlamətlərinin olduğu təsbit edilən araşdırmada, bu rəqəmin bədən kütlə indeksi yüksək olan qızlarda və yeniyetməlikdən yetkinliyə keçid dövründə daha çox olduğu ifadə edilib.

İspaniyanın Castilla-La Mancha Universitetinin tədqiqatçısı və tədqiqatın müəllifi Jose Francisco Lopez-Gil bildirib ki, yemək pozğunluğu uşaqlar və yeniyetmələr arasında ciddi bir problemdir. Bu xəstəliyin erkən aşkarlanması və müdaxiləsi uzunmüddətli sağlamlıq problemlərinin qarşısını almaq üçün çox vacibdir.

Lopez-Gil uşaqlarda yemək pozğunluğu əlamətləri görünən kimi mütəxəssisə müraciət edilməsi lazım olduğunu, bunun utanılası bir şey olmadığını izah edərək valideynlərin uşaqlarına dəstək ola biləcəyini vurğulayıb.