Tibb müəssisəsinə müraciət edən hər bir pasiyent Qeydiyyat şöbəsindən aidiyyəti üzrə Təcili tibbi yardım, Ginekologiya, Doğum, Hamiləliyin patologiyası və reanimasiyası, Yenidoğulmuşların patologiyası, Yenidoğulmuşların reanimasiyası şöbələrinə yönəldilir.

 

Mərkəzdə doğuş və doğuşayardımın təşkili, amniosentez, laparoskopik, histeroskopik, laparotomik və vaginal bütün mamalıq və ginekoloji əməliyyatlar, yenidoğulmuşların metabolik skrininqi, vaxtından əvvəl doğulmuş, ekstremal azçəkili uşaqların müalicəsi klinik protokollara əsasən icra olunmaqdadır.

 

Həmçinin İİV (immunçatışmazlığı virusunun törətdiyi xəstəlik) müsbət olan xəstələrə antenatal qulluq və doğuşayardım xidmətləri də tibb müəssisəsində göstərilir.

 

Qeyd edək ki, tibb müəssisəsində 1 aprel 2021-ci il tarixindən etibarən icbari tibbi sığorta sistemi tətbiq olunur. Hər bir Azərbaycan vətəndaşı icbari tibbi sığorta üzrə Xidmətlər Zərfinə daxil olan bütün tibbi xidmətlərdən burada ödənişsiz istifadə edə bilər.