Ödəm bədənimizin toxumalarında yığılan normadan artıq olan sudur. İltihab, zədələnmə, infeksiya, stres ilə birlikdə doğru qidalanmadıqda bədən ödəm tutmağa başlayır.

Bu barədə Aztibb.az-a Xətai Tibb Mərkəzinin uzman terapevti Çinarə Səfərova məlumat verib.

Onun sözlərinə görə, bədənin ödəm tutmasının ən əsas səbəblərindən biri də doğru qidalanmamaqdır. Ödəmə səbəb olan əsas qidalanma səhvlərindən biri bədənə kifayət qədər maye və mineral qəbulunun olmamasıdır.

Terapevt qeyd edib ki, yetərsiz maye və mineral qəbulunda bədən ehtiyac duyduğu mayeni bədəndə tutmağa meyilli olur. Ödəm ən çox əl, üz, ayaq və qarın bölgələrində toplanır.