Aztibb.az "Həkimlərimizi tanıyaq!“ rubrikasında bu dəfə Sumqayıt Tibb Mərkəzinin tabeliyində olan 2 nömrəli Xəstəxananın Poliklinika şöbəsinin həkim-kardioloqu İlhamə Zülfüqarlını təqdim edir. 

İlhamə Zülfüqarlı 1975-ci ildə Sumqayıt şəhərində anadan olub. 1992-1998-ci illərdə Azərbaycan Tibb Universitetinin Müalicə işi fakültəsində təhsil alıb. 1998-1999-cu illərdə Akademik C.M.Abdullayev adına Elmi-Tədqiqat Kardiologiya İnstitutunda internatura keçib.

O, 1999-2010-cu illərdə “Kimyaçı” poliklinikasında, 2011-2022-ci illərdə Sumqayıt 4 nömrəli şəhər poliklinikasında (hazırda 2 nömrəli xəstəxananın poliklinika şöbəsi) həkim-kardioloq işləyib. 2022-ci ildən Sumqayıt 2 nömrəli xəstəxananın poliklinika şöbəsində həkim-kardioloq kimi fəaliyyətini davam etdirir.

Həkim Azərbaycan Kardiologiya Cəmiyyətinin (AKC) və Avropa Kardioloji Cəmiyyətinin (ESC) üzvüdür. Həmçinin AKC-nin milli konqreslərinin iştirakçısıdır.

İlhamə Zülfüqarlı kardioloji xəstələrin elektrokardioqrafik və exokardioqrafik müayinəsi və müalicəsi ilə məşğuldur.