Aztibb.az "Həkimlərimizi tanıyaq!“ rubrikasında Sumqayıt Tibb Mərkəzi (STM) 2 nömrəli xəstəxanasının həkim-oftalmoloqu Arzu Eyvazovanı təqdim edir:

 

Arzu Eyvazova 1985-ci ildə Sumqayit şəhərində anadan olub. 2003-2009-cu illərdə Azərbaycan Tibb Universitetinin Müalicə işi fakültəsində təhsil alıb. 2009-2010 cu illərdə Akademik Zərifə Əliyeva adına Milli Oftalmologiya Mərkəzində internatura keçib.

 

O, 2012-2021-ci illərdə Sumqayıt Oftalmoloji Xəstəxanasında həkim-oftalmoloq işləyib. 2021-ci ildən Sumqayıt 2 nömrəli xəstəxanada həkim- oftalmoloq kimi fəaliyyətini davam etdirir.

 

Arzu Eyvazova Azərbaycan Oftalmoloqlar Cəmiyyətinin (AOC) və Türkiyə Cumhuriyyəti Oftalmoloqlar Dərnəyinin (TCOD) üzvüdür.

 

Həkim 2020-ci ildə Turkiyə Ankara Tibb Universiteti Vehbi Koç Göz Xəstəxanasında ixtisasartırma kursunda olub. 2022-ci ildə Türkiyə, Antalya şəhəri Türk Cumhuriyyətləri Oftalmoloji Dərnəyi TOD 56 Beynəlxalq Konqresində iştirak edib.

 

O, bütün növ göz xəstəliklərinin müayinə və müalicəsi ilə məşğuldur.