Bursa Texniki Universiteti və Bursa Uludağ Universiteti alimlərinin “Mexanobiologiya və biodeqradasiyaya əsaslanan sümük toxuması dizaynı, istehsalı və təsdiqi-Faza 1” adlı layihəsi çərçivəsində sümük itkisi olan xəstələrdən alınan sağlam hüceyrələrdən laboratoriya mühitində süni sümük toxuması hazırlanır.

Aztibb.az-ın medimagazin.com.tr-yə istinadla məlumatına görə, tədqiqat TÜBİTAK Araşdırma Dəstək Proqramları (ARDEB) çərçivəsində təxminən 1,2 milyon lirə dəstək almağı hədəfləyib.

Layihənin birinci mərhələsində süni toxumalarda inkişaf etmiş sümük hüceyrələrinin insan yükünə reaksiyası ölçülür.

Layihənin tərəfdaşlarından biri olan prof. Ferda Arı, işlərinin sümük toxumasındakı zədələri aradan qaldırmaq üçün laboratoriya mühitində yeni toxumaların istehsalından ibarət olduğunu qeyd edib. Bildirib ki, tədqiqatın ikinci mərhələsində həkimlər və baytarlarla əməkdaşlıq edərək heyvan və insan təcrübələrində sınaqlar keçməyi planlaşdırırlar: "Sümük toxumasının formalaşmasını dəstəkləyə bilən süni quruluş olan iskelelərin dizaynını və 3D çapını hazırlayırıq. Bu layihə ilə molekulyar səviyyədə araşdırmalar aparacağıq və hər bir xəstə üçün uyğun toxumanın edilməsini təmin edəcəyik."