Vitek 2 Compact analizatoru mikroorqanizmlərin identifikasiyası və onların antimikrobial dərman preparatlarına qarşı həssaslığını, Minimal İnhibisiya Konsentrasiyasının (MİC) təyinini təmin edən tam avtomat sistemdir.

Referans Medical Group-dan Aztibb.az-a verilən məlumata görə, Referans Kliniki Laboratoriya Mərkəzində bu avadanlıqlar tətbiq olunur. 

Belə ki, patoloji material kultivasiya edildikdən sonra təmiz kultura alınır və bu aparat vasitəsilə mikroorqanizmlərin (qram-mənfi çöplərin, qram-müsbət kokların, anaerob bakteriyaların, Neisseria, Haemophilus influenzae, Corynebacteria, Lactobacillus, Bacillus, göbələklərin və s.) identifikasiyası aparılır.

Vitek 2 Compact seriyalı analizatorların istifadəsi imkan verir:

-antibiotiklərin alınması xərclərini azaltmağa;
-mikroorqanizmlərin qisa müddətdə müəyyən edilməsində və həssaslıq testlərinin -aparılmasında vaxta qənaət etməyə;
-antibiotiklərin Minimal İnhibisiya Konsentrasiyasını (MİC) müəyyən etməklə effektiv nəticə əldə etməyə;
-adekvat terapiya təyin etməyə və antibiotikə qarşı rezistentliyin inkişafının qarşısını almağa;
-müalicə müddətini və xəstənin müalicə-profilatika müəssisələrində keçirdiyi vaxtı azaltmağa;
-nozokomial (xəstəxana daxili) ştammlarla effektiv mübarizə aparmağa.