Həkim bildirib ki, hazırda iki növ peyvənd var. Biri 5 illik, digəri isə ömürlük qorunma üçündür. Hansı uyğun gəlirsə, biz xəstələrimizə onu tövsiyə edirik.

 

Cabir Gülmalıyev qeyd edib ki, ürək xəstələri təsadüfi və kortəbii şəkildə tapdıqları qrip və soyuqdəymə dərmanlarından istifadə etməməlidir. Təsadüfi qrip və soyuqdəymə dərmanı istifadə etmək ürəkdə ciddi ritm pozğunluqlarına səbəb ola bilər. Çünki, onların tərkibindəki "psevdoefedrin" və "efedrin" adlı vazokonstriktor maddələr ritm pozğunluğu və yüksək qan təzyiqi yaradır:

 

"Bu, hər kəs üçün keçərlidir. Lakin bu vəziyyət ürək xəstələrində daha aydın müşahidə oluna bilər. Ona görə də xüsusilə ürək xəstələri həkimləri ilə məsləhətləşmədən belə dərmanlardan istifadə etməməlidirlər".