Həkim bildirib ki, üz siniri dar sümük kanalından keçir ki, bu da iltihabi proses və qan dövranı pozulması zamanı tunel sindromun əmələ gəlməsinə şərait yaradır. Üz sinirinin özünəməxsus quruluşuna malik olan və ya anatomik dar kanala malik olan insanlar üz sinirinin nevritinə daha çox məruz qalırlar. Üz sinirinin nevritinə səbəb qulaq və boyun nahiyyəsində soyuqdəymə və ya kondensioner üfürməsi ola bilər.

 

Onun sözlərinə görə, üz sinir iflicinin bərpasında fizioterapiyanın rolu böyükdür. Üz sinir iflicində fizioterapiya müxtəlif cihazların tətbiqi və məşqlər ilə aparılır.

 

"Yüksək intensiv lazer müalicəsi - son illərdə üz iflici müalicəsində istifadə etdiyimiz və çox uğurlu nəticələr əldə etdiyimiz yenilikçi bir müalicə metodudur, çünki sinir bərpa dərəcəsini çox artırır. Bununla yanaşı, kombin olunmuş şəkildə miostimulyasiya, maqnitoterapiya, manual terapiya və akupunktura kimi müalicə üsullarını da tətbiq etmək olar", - deyə Nuriyyə Əlibəyli qeyd edib.