Onun sözlərinə görə, xayalığın ultrasəs doppleroqrafiyası xayalıqda kəskin ağrı, xayalığın travmatik zədələnməsi, xayalıq dərisində damar şəklinin güclənməsi, xayalığın ölçülərinin böyüməsi, bir və ya hər iki xayanın ölçülərinin kiçilməsi, xayalıq nahiyəsində diskomfort (yanma hissi və s.), əllə müayinə oluna bilən törəmələr, cinsi zəiflik, sonsuzluq kimi hallarda təyin olunur.

 

Həkim bildirib ki, xayaların doppleroqrafiyası qeyri-invaziv, pasiyentin sağlamlığına heç bir mənfi təsir göstərməyən müayinə üsuludur. Müayinəyə əksgöstəriş yoxdur.

 

Etibar Nəsibov qeyd edib ki, müayinə zamanı aşağıdakı göstəricilər təyin edilir:

Xayaların ölçülərinin yaş normalarına uyğunluğu

Xaya və artımların strukturunun həmcinsliyi və exogenliyi

Sərbəst mayenin miqdarı

Anexogen törəmələrin mövcudluğu, onların ölçüləri.