Fibromialgiya xronik xarakterli simmetrik əzələ-skelet ağrısı olan bir xəstəlikdir. Müalicəsi dərman və xüsusi idman hərəkətləri ilə həyata keçirilir.
Bu barədə Aztibb.az-a Bioloji Təbabət Klinikasının revmatoloqu Kamilə Yusifova məlumat verib.
O, bildirib ki, çox zaman fibromialgiyanı depressiya ilə qarışdırırlar. Xəstəliyi olan pasiyentlər aşağıdakı simptomlardan əziyyət çəkirlər:
Bütün bədəndə ağrı
Depressiya
Keyfiyyətsiz yuxu
Qıcıqlanmış bağırsaq sindromu (tez-tez ishala meyillilik)
Xroniki yorğunluq sindromu
Ətraflarda gərginlik,buxovlanma,tutuqluluq
Soyuğa və ağrıya qarşı həssaslıq
Narahat ayaq sindromu
Həkimin sözlərinə görə, fibromialgiya orqanizmin EPŞTEYN BARR virusu ilə zədələnməsi nəticəsində yarana bilər.
K.Yusifova bildirib ki, xəstəliyin dəqiq səbəbləri məlum deyil. Bu xəstəliyin diaqnostikasında xüsusi analiz yoxdur. Adətən antinüklear antite l(ANA),Revmatoid faktor (RF), qalxanvari vəz aktivliyi (TSH,T4), prolaktin yoxlanılır.
