Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən tibb müəssisələrindən biri də Sumqayıt Tibb Mərkəzidir (STM).

TƏBİB-dən Aztibb.az-a bildirilib ki, STM 17 tibb müəssisəsini özündə birləşdirən, 500 minə yaxın insana xidmət göstərən regionun ən böyük tibb mərkəzlərindən biridir.

Mərkəzin tabeliyində 7 ailə sağlamlıq mərkəzi, 7 xəstəxana, Təcili Tibbi Yardım Stansiyası, Perinatal Mərkəz və Stomatoloji poliklinika fəaliyyət göstərir.

STM-in tabeliyində olan müəssisələrdə Cərrahiyyə, Kardiologiya, Uşaq cərrahiyyəsi, Terapiya, Uşaq reanimasiyası, Nevrologiya, Yenidoğulmuşların reanimasiyası, Doğuş və doğuşayardım, İlkin səhiyyə xidməti, Tibbi reabilitasiya və fizioterapiya, Poliklinika, Pediatriya, Uşaq travması, Ginekologiya, Stomatologiya, Patologiya, Endokrinologiya, Urologiya, Nefrologiya, Oftalmologiya, Hemodializ, Yoluxucu xəstəliklər, Radiologiya, Neyrocərrahiyyə və Travmatologiya şöbələri fəaliyyət göstərir.

Hazırda tibb müəssisəsində 4 643 nəfər çalışır. Onlardan 974-ü həkim, 1 893-ü orta tibb işçisi, 1 776 nəfəri isə qeyri-tibb işçisidir.

Gün ərzində STM-in tibb müəssisisələrində vətəndaşlara 10 000-dən çox ambulator tibbi xidmət, 3 000-ə yaxın isə stasionar xidmət göstərilir.

Çarpayı fondunun miqdarı 1 171-dir.

Qeyd edək ki, tibb müəssisəsində 1 aprel 2021-ci il tarixindən etibarən icbari tibbi sığorta sistemi tətbiq olunur. Hər bir Azərbaycan vətəndaşı icbari tibbi sığorta üzrə Xidmətlər Zərfinə daxil olan bütün tibbi xidmətlərdən burada ödənişsiz istifadə edə bilər.