Bu həftə Rusiyada Prezident Qrant Fondu üzrə müsabiqənin nəticələrinə yekun vurulub. Qaliblərdən biri də Dmitri Pavlenkodur. 

Aztibb.az 1tv.ru-ya istinadən xəbər verir ki, layihə rəhbəri D.Pavlenko özü bir vaxtlar kiçik çavuş kimi orduda xidmət edərkən əlində qumbara partlayıb, həm qollarını, həm də ayaqlarını itirib.  

O, nəinki buna təslim olmayıb, sağaldıqdan sonra aktiv həyat tərzi keçirib. D.Pavlenkonun bu nümunəsi güclü motivatordur. Onun yaratdığı unikal mərkəz əlillər üçün bir reabilitasiya məktəbidir.  

“Heç bir ciddi xəsarət bütün dünyadan uzaqlaşaraq qapalı mühitə bağlanmaq üçün bir səbəb deyil. Zirvələri fəth edin, sirli dərinliklərə enin, başgicəlləndirici səyahətə çıxın və ata minməyi öyrənin”, deyə  D.Pavlenko tövsiyə edir.