Qışda və yazda tənəffüs yolları infeksiyaları səbəbindən öskürək yaranması halları kifayət qədər çox olur. Qripdən, zökəmdən başlayaraq, sətəlcəm, bronxit, laringit, otit (orta qulaq iltihabı), eləcə də digər tənəffüs yolu problemləri öskürək yarada bilir.
Bu barədə Aztibb.az-a Xətai Tibb Mərkəzinin uzman terapevti Çinarə Səfərova məlumat verib
Həkim bildirib ki, öskürəyə səbəb olan amillərdən biri də astmadır. Tənəffüs yollarında şişmə və daralma yaradan bu xəstəlik quru öskürəyin ən geniş yayılan səbəblərindən biridir. Kəskin dövrlərində xəstəlik zamanı bəlğəmli öskürək də yaranır və cidi nəfəs darlığı meydana gəlir.
Onun sözlərinə görə, allegiyalar da xroniki öskürək yaradır. Öskürəklə yanaşı asqırma, burundan axıntı, gözlərdə sulanma allergik reakisyalardan xəbər verir.
Mütəxəssislər ələlxüsus da siqaret çəkən şəxslərdə öskürən zaman yaranan dəyişikliklərə mütləq diqqətlə yanaşmağı tövsiyə edirlər.
"Öskürəyə səbəb olan problemlərdən biri də ürək çatışmazlığıdır. Həmçinin öskürək səbəblərindən biri də reflükslərdir (mədə, mədəaltı vəz şirəsi və öd qarışığından ibarət onikibarmaq bağırsaq möhtəviyyatının qida borusuna geriyə qayıtması). Reflküs gizli inkişaf edən başqa xəstəliklərlər birgə də öskürək yarada bilir", - deyə Çinarə Səfərova bildirib.