Reaktiv artrit - ReA daha çox bağırsaq və sidik cinsiyyət yollarının infeksiyasından sonra yaranan dayaq hərəkət aparatının "steril iltihabi" xəstəliyidir. Ankilozlaşan spondilo artrit və psoriatik artritlə birlikdə sero neqativ spondilitlər qrupuna daxildir. Etioloji agentlər xlamidiya, salmonella, ureaplazma ola bilir.

Aztibv.az xəbər verir ki, bu barədə Bioloji Təbabət Klinikasının revmatoloqu Kamilə Yusifova məlumat verib.

Həkim bildirib ki, keçirilmiş infeksiyada 1-4 həftə sonra kəskin oynaq ağrıları başlayır. Daha çox aşağı ətraf oynaqları və onurğa zədələnir. Bu xəstəlik zamanı daktilit (barmaqların iltihabi ödemi) və sakroileyit inkişaf edir.

Onun sözlərinə görə, oynaqdankənar əlamətlərdən biri konyuktivitdir (gözlərdə qızartı).

ReA-nın xarakterik traidası:

Uretrit (kişilərdə), servisit(qadınlarda)
Artrit (topuq, onurğa, barmaqlarda iltihab)
Konyuktivit (göz iltihabı)

Ümumilikdə xoş gedişli olsa da, düzgün müalicə olunmadıqda bu əlamətlər dəfələrlə təkrarlanır və onurğada, gözlərdə geridönməyən dəyişikliklər yaranır.