Qastroenteroloq-endoskopist Rəfael Həsənov mədə üçün faydalı və zərərli məhsulları açıqlayıb.

Aztibb.az-ın məlumatına görə, həkim bildirib ki, aşağıdakı qidaların qəbulu tövsiyə olunur:

Duru südlü sıyıqlar (manna, yulaf, qarabaşq, düyü);
Buğda və ya suda bişirilmiş ət (ət yağlı olmamlıdır), buğda bişirilmiş kotlet, bişmiş yumurta, bişmiş kök, kartof, çuğundur;
Moruqlu, çiyələkli kisel (kiselin tərkibində olan nişasta qastrit və xora xəstəliyi zamanı müalicəvi təsir edir – mədənin divarlarında qoruyucu qat əmələ gətirir);
Süd, qaymaq südlü kokteyl, südlü çay;
Kərə yağı və bitki yağları və s.

Onun sözlərinə görə, bütün qızardılmış, duzlu, istiotlu, hisə verilmiş, marinada qoyulmuş qidalar qidalanmadan tamamilə çıxarılmalıdır. Qidalar yağda deyil, suda və buğda bişirilmişməlidir.

Qastroenteroloq əlavə edib ki, mədənin yüklənməməsi üçüm qida daha tez-tez və kiçik miqdarlarla qəbul olunmalıdır. Çox isti və çox soyuq qidaları və içkiləri qəbul etmək olmaz:

"Bu qaydaya hətta tam sağlam insanlar da riayət etməlidir. Həm çox soyuq, həm də çox isti qida və içkilər insan sağlamlığına ciddi ziyan vurur.

Unutmaq lazım deyil ki, sağlam qidalanma sağlam həyat tərzi deməkdir".