Epilepsiya beyindəki neyronlarda ani və nəzarətsiz boşalmalarla özünü göstərir, beyinin bütün və ya bir neçə hissəsinə yayılır. Epilepsiya tutmalar şəklində özünü göstərir. Həyatında yalnız bir dəfə tutması olan xəstə epilepsiya xəstəsi hesab edilmir.

 

Həkim bildirib ki, beyin şişləri, alkoqolizm, serebrovaskulyar xəstəliklər (insult, beyin qanaması), zədələr və infeksiyalar epilepsiyaya səbəb olan faktorlardır.

 

Sevinc Abışova epilepsiya xəstəliyi zamanı ilk tibbi yardım barədə də məlumat verib. Onun sözlərinə görə, əvvəlcə panikaya qapılmamaq və xəstəni yalnız qoymamaq, tutmanın bitməsini gözləmək (1-5 dəq çəkə bilər) lazımdır. Bundan başqa, xəstənin hərəkətlərini dayandırmamaq, başının altına yumşaq əşya qoymaq, güvənli bir yerə uzatmaq, ətrafda olan sərt və təhlükəli əşyaları onun yanından uzaqlaşdırmaq, xəstəni yana çevirmək və tənəffüs yoluna düşməməsi üçün agzından tüpürcəyin boşalmasını təmin etmək məsləhətdir.

 

"Əgər xəstədə qalstuk və düyməli geyimlər varsa onun yaxası açılmalıdır. Epilpsiya zamanı xəstənin ağzına qaşıq salmaq da doğru deyil. Bu, dişləri və dili zədələyə bilər. Xəstənin cibində epilepsiya xəstəsi olmasına dair kart olduğuna diqqət etmək lazımdır. Tutmadan sonra xəstə yuxulayır, yorğun olur və nə baş verdiyini anlamaya bilir", - deyə nevroloq  bildirib.