Onun sözlərinə görə, artrozun 4 əsas simptomu var:

 

I mərhələdə zədəli oynaqlarda hərəkət zamanı ağrı (xəstəliyin lap əvvəlində çox da nəzərə çarpmır ki, bu da xəstəliyi diqqətdən yayındırır), II mərhələdə ağrı oynaqlarda cüzi yüklənmə zamanı yaranır, III mərhələdə isə hətta sakit vəziyyətdə belə ağrı ola bilər.

 

Quru və sərt xırçıltı artrozu sübut edən əlamətlərdən biridir, o, oynaq səthinin sürtünməsi nəticəsində əmələ gəlir. II, III mərhələlərdə artıq xırçıltı aydın eşidilir.

 

Oynaqda hərəkətin məhdudlaşması. Xəstəliyin ilk dövrlərində oynaqda hərəkət məhdudiyyəti zəif olur, xəstəlik dərinləşdikcə məhdudiyyət artır.

 

Oynağın deformasiyası.

 

Nuriyyə Əlibəyli qeyd edib ki, artroza diaqnoz qoymaq üçün bir sıra laborator və instrumental müayinələrdən istifadə edilir: MRT, Rentgen, qanın ümumi analizi və s. Artrozun müalicəsində pasiyentə fərdi yanaşılır, xəstəliyin inkişafının əsasında duran səbəblər aradan qaldırılır və oynaqlar bərpa edilir.