B6 vitamini beyin, sinir və ümumilikdə bütün bədənimizin inkişafı üçün çox vacibdir. Qoz, somon balığı, ton balığı, qarğıdalı, avakado B6 vitamini ilə zəngindir.

 

Aztibb.az xəbər verir ki, bu barədə Bioloji Təbabət Klinikasının inteqrativ tibb həkimi, nevroloq Ülviyyə Səlimova məlumat verib.

 

Həkim bildirib ki, B12 vitamini sinir hüceyrələrinin və qırmızı qan hüceyrələrinin sağlamlığının qorunmasında lazımdır.

 

O, qaraciyər, yumurta, süd, mal əti, balıq ətinin B12 ilə zəngin qidalar olduğunu deyib.

 

Ülviyyə Səlimova qeyd edib ki, B9 vitamini isə xəstəliklərin beyinlə bağlı ağırlaşmalarından qorunmaq üçün əhəmiyyətlidir. Yaşıl noxud, mərcimək, ispanaq, sarı noxud və çərəzlərdə bu vitaminin miqdarı çoxdur.