Yevlax Rayon Mərkəzi Xəstəxanasında Dünya Azərbaycanlılarının Həmrəylik Günü və Yeni il bayramı münasibətilə tədbir keçirilib.

Xəstəxanadan Aztibb.az-a verilən xəbərə görə, əvvəlcə müasir Azərbaycanın qurucusu Ulu öndər Heydər Əliyevin və torpaqlarımızın azadlığı uğrunda gedən döyüşlərdə həlak olmuş qəhrəman şəhidlərimizin əziz ruhunu bir dəqiqəlik sükutla yad edilib.

Tədbirdə çıxış edən xəstəxananın direktoru Fazil İsmayılov əlamətdar günün əhəmiyyətindən danışıb, bayramlar münasibətilə tibb işçilərini təbrik edib. Bildirib ki, dünya azərbaycanlılarının birliyi ideyası Azərbaycan xalqının ümummilli lideri Heydər Əliyevin dövlətçilik tariximizdəki ən böyük xidmətlərindən biridir.

Digər çıxış edənlər də xəstəxana kollektivini təbrik edərək, onlara gələcək fəaliyyətlərində uğurlar arzu ediblər.

Tədbirin sonunda Dünya Azərbaycanlılarının Həmrəylik Gününə həsr olunmuş videoçarx nümayiş etdirilib.