Alimlər uzaq keçmişin qorxulu və travmatik xatirələrinin “ön beyində” necə saxlandığını araşdırıblar.
Aztibb.az-ın medimagazin.com.tr-yə istinadla verdiyi xəbərə görə, Kaliforniya Universitetindən bir qrup tədqiqatçının siçanlar üzərində apardığı araşdırma göstərib ki, uzaq keçmişdən gələn qorxu anları “ön beyin” adlanan prefrontal korteksdə yaddaş neyronları arasında “daimi” saxlanılır.
Molekulyar biologiya sahəsində tədqiqatlara rəhbərlik edən prof. Jun-Hyeong Cho bildirib ki, travmatik hadisələrdən sonra prefrontal yaddaşdakı neyronlar tədricən güclənir və beyin membranı kimi bilinən beyin qabığında daimi formaların yaradılmasında mühüm rol oynayır.
Alim prefrontal korteksdə travma zamanı aktiv olan və travmatik hadisə xatırlandıqda yenidən aktivləşən bir qrup neyron müəyyən etdiklərini deyib.
Siçanlar üzərində aparılan tədqiqatlar zamanı aktiv neyronların fəaliyyətini dayandırdıqda qorxulu anların xatırlanmasının qarşısının alındığı məlum olub.
Araşdırmanın nəticələri "Nature Neuroscience" jurnalında dərc olunub.