Çin tədqiqatçıları makaka meymunlarının beyninə təsir edərək onların bədən temperaturunu aşağı salmağa nail olublar. Bu, gələcəkdə bəşəriyyəti uzun kosmik səyahətlər etmək üsulu ilə təmin edə bilər.

Aztibb.az naked-science.ru-ya istinadla xəbər verir ki, qış yuxusu istiqanlı heyvanlarda orqanizmdə bütün həyat proseslərinin yavaşladığı, metabolizm səviyyəsinin, onunla bərabər isə qidaya olan ehtiyacın kəskin düşdüyü xüsusi vəziyyətdir.

Çinin Şençjen Qabaqcıl Texnologiyalar İnstitutunun tədqiqatçıları meymunlarda süni yolla qış yuxusu yaratmağın mümkün olub-olmadığını yoxlamaq üçün makakalarda hipotalamus sahəsinin (beynin bu bölməsi daxili orqanların istiliyinin tənzimlənməsinə cavab verir) preoptik neyronlarını virusa yoluxdurublar. Bu, neyronları xüsusi preparata qarşı həssas edib. Bu preparat makakalara yeridildikdən sonra ayıq vəziyyətdə olan, eləcə də narkoz verilmiş meymunların bədən temperaturu azalıb. Bunu süni qış yuxusuna müvəffəq olma yolunda ilk addım hesab etmək olar.

Fizioloji parametrlərin kompleks monitorinqi göstərib ki, temperaturun enməsi meymunlarının orqanizmində soyuqdan müdafiə davranışlarının yaranmasına səbəb olur.

İşin nəticələri insan orqanizminin süni şəkildə soyuq dinclik vəziyyətinə gətirilməsinə həsr edilmiş tibbi və kosmik tədqiqatlarda cəlbedici perspektivlər açır.