Ghrelin (Aclıq hormonu) mədədə sekresiya olunan (əmələ gələn) iştahı idarə edən hormondur. Bu səbəbdən də hər yeməkdən sonra toxluqla əlaqəli olaraq qanda səviyyəsinin düşməsi müşahidə olunur.

 

Aztibb.az xəbər verir ki, tanınmış həkim-endokrinoloq Fərhad Burzu bu barədə maarifləndirici məlumat paylaşıb.

 

Həkim bildirib ki, 18 həftəlik kliniki müşahidə göstərib ki, dieta ghrelin səviyyəsini artırır. Bu isə, öz növbəsində, insulin rezistentliyinin azalmasına və bədəndəki (visseral) piyin azalmasına səbəb olur: "Araşdırmada 2 qrup müşahidəyə alınmışdır. 1-ci qrupda klassik aralıq dənizi (Mediterranen) dieti tətbiq edən, 2-ci qrupda isə Mankai adlı tərəvəz, yaşıl çay, və çəkilmiş ət daxil olan fərqli bir aralıq dənizi (Mediterranean) dieti edən insanlar nəzarətə götürülüblər.

 

Nəticələr göstərmişdir ki, 2-ci qrupdakı insanların qandakı ghrelin səviyyəsi 1-ci qrupa nəzərən 2 dəfə yüksəkdir. Bu isə, uyğun metabolik nəticələrə səbəb olub".

 

Fərhad Burzunun sözlərinə görə, bütün bunlar Mediterranean dietin xüsusi yaşıl növünün əhəmiyyətini müəyyən edir.

 

O, 18 həftə davam edən və 294 nəfər üzərində aparılan bu araşdırmanın "Journal of Clinical Endocrinology & Metabolism" jurnalında dərc olunduğunu bildirib.