Orqan nəqli zamanı əsas şərtlərdən biri - sağlam donor və ya sağlam orqanın olmasıdır. Yalnız Orqan transplantasiyası aparan tibbi komandanın qərarı ilə kimin verici və ya alıcı donor ola biləcəyi müəyyən edilir.

Aztibb.az xəbər verir ki, bu barədə həkim-nefroloq Barat Yusubov məlumat verib.

Həkim bildirib ki, normal şərtlərdə əməliyyat oluna bilən hər bir pasiyentə orqan transplantasiyası tətbiq edilə bilər.

Onun sözlərinə görə, HİV virusu pozitiv, aktiv infeksiyası olan pasiyentlərə orqan nəqli edilə bilməz. Bundan başqa, ağırlaşmış psixoloji pozğunluqları (psixoz, demans və s.) olanlara və xərçəng xəstəliyi səbəbi ilə müalicə alanlara orqan nəqli uyğun deyildir.