İrəliləyən qapaq xəstəliklərində cərrahiyyə illərdir dəyişməyən yeganə müalicə üsuludur. Lakin, yanaşı xəstəlikləri olan yaşlılarda cərrahi müdaxilə heç də həmişə yaxşı nəticə vermir və müxtəlif fəsadlara, hətta xəstənin ölümünə səbəb ola bilər.

Onun sözlərinə görə, aşağıdakı hallarda əməliyyatsız qapaq dəyişdirilməsinə daha çox üstünlük verilir:

75 yaşdan yuxarı xəstələr
Fiziki cəhətdən zəif xəstələr
Daha əvvəl ürək əməliyyatı keçirmiş xəstələr
Ürək çatışmazlığı olan xəstələr
Böyrək çatışmazlığı olan xəstələr
İnsult keçirmiş xəstələr
Şiddətli ağciyər çatışmazlığı olan XOAX xəstələri
Qaraciyər çatışmazlığı olan xəstələr
Boyun və döş nahiyəsinə radioterapiya alan xəstələr
Bədən müqavimətini pozan xroniki xəstəlikləri olanlar

Cabir Gülmalıyev qeyd edib ki, TAVİ metodu cərrahi qapaq dəyişdirilməsinə alternativ kimi qəbul edilməməlidir. Aşağıda sadalanan hallarda TAVİ-yə üstünlük verilmir:
Gənc xəstələr
Aşağı əməliyyat riski olan yaşlı xəstələr
Ürək klapanlarının infeksiyası olan xəstələr
Qapaq stenozu olmadan yalnız aorta qapağı çatışmazlığı olanlar