Aşağı karbohidratlı pəhriz diabetli xəstələrə daha tez arıqlamağa və az yağlı pəhrizlə müqayisədə qlükoza nəzarətini optimallaşdırmağa kömək edə bilər.

Aztibb.az medimagazin.com.tr-yə istinadla bildirir ki, Tip 2 diabetli 100-dən çox insanı əhatə edən araşdırmaya görə, xəstələr yüksək karbohidratlı, az yağlı pəhrizlə müqayisədə aşağı karbohidratlı, yüksək yağlı, kalorili məhdudlaşdırılmış pəhrizdə 6 ay ərzində daha çox kilo itiriblər.

Danimarka alimləri 2-ci tip diabetli 165 nəfəri 6 ay ərzində həm aşağı karbohidratlı yüksək yağlı (LCHF), həm də yüksək karbohidratlı aşağı yağlı (HCLF) pəhrizlə qidalandırıblar. Hər iki qrupdakı iştirakçılardan enerji sərfinə bərabər miqdarda kalori istehlak etmələri istənilib.

Aşağı karbohidratlı pəhriz saxlayan xəstələrə kalorilərinin 20%-dən çoxunu karbohidratlardan, lakin 50-60%-ni yağlardan, 20-30%-ni isə zülallardan almaları tapşırılıb. Az yağlı pəhriz saxlayan iştirakçılardan kalorilərinin təxminən yarısını karbohidratlardan almaları, qalanını isə yağlar və zülallar arasında bərabər şəkildə bölüşdürmələri istənilib.

Müəyyən edilib ki, aşağı karbohidratlı pəhriz saxlayan insanlar hemoglobini A1c-ni az yağlı diyetə nisbətən 0,59 faiz daha çox azaldıblar, həmçinin aşağı yağlı qrupla müqayisədə onlar 3,8 kq daha çox çəki itiriblər.