İngiltərədə leykemiyanın son dərəcə aqressiv forması olan uşaq yeni “gen ardıcıllığı” müalicəsi sayəsində sağalıb.

Aztibb.az medimagazin.com.tr-yə istinadla xəbər verir ki, bu, İngiltərədə xərçənglə mübarizədə bir ilkdir.

Heç bir müalicəyə tabe olmayan leykozlu xəstə “bazal genetik redaktə” ilə sağlamlığına qovuşub. Belə ki, xəstəliyin son dərəcə kəskin formasına tutulan Alissa adlı uşağın 6 aylıq müalicədən sonra bədənində xərçəngdən əsər-əlamət qalmadığı bildirilir.

Həkimlər müalicədə DNT-də dəyişikliklərə imkan verən genetik ardıcıllıq metodu olan yeni - CRISPR növündən istifadə ediblər.

Qeyd olunub ki, Alissa "bazal redaktə" ilə geni dəyişdirilmiş T hüceyrələri ilə müalicə olunan ilk insan kimi tibb tarixinə düşüb.

Mütəxəssislər sümük iliyində xərçəng hüceyrələrini məhv edən "canlı dərman" istehsal etdiklərini söyləyiblər.