Koronavirusun yeni variantı - BQ1 ortaya çıxıb. Omikron nəslindən olan yeni variant artıq 50 ölkədə yayılıb.

Aztibb.az medimagazin.com.tr-yə istinadla bildirir ki, mütəxəssislər BQ1 variantının immuniteti zəif olanlar üçün böyük risk yaratdığından qorxurlar. İmmuniteti zəif olan insanlarda infeksiyanın qarşısının alınması üçün irəli sürülən müalicələrin BQ1-ə qarşı kifayət etmədiyi bildirilir.

BQ1-in simptomlarına qızdırma, öskürək, yorğunluq, boğaz ağrısı, ürəkbulanma, ishal və baş ağrısı daxildir. Lakin bu, klassik koronavirus və delta variantlarından daha yüngüldür.

Ümumdünya Səhiyyə Təşkilatının məlumatına görə, BQ1 hazırda dünyada dominant olan Omikron variantının 300-dən çox alt nəsli arasındadır.