Aztibb.az xəbər verir ki, aksiyada Türkiyə Respublikasının Azərbaycandakı fövqəladə və səlahiyyətli səfiri Cahit Bağçı, Qızıl Aypara Cəmiyyətinin prezidenti, millət vəkili Novruz Aslanov, Səhiyyə nazirinin müavini Nadir Zeynalov, millət vəkili Məlahət İbrahimqızı, Milli Hematologiya və Transfuziologiya Mərkəzinin icraçı direktoru Valeh Hüseynov və digər rəsmi şəxslər iştirak ediblər.

 

Qızıl Aypara Cəmiyyətinin prezidenti, millət vəkili Novruz Aslanov bildirib ki, hər il Qızıl Aypara Cəmiyyəti bir çox qanvermə aksiyaları təşkil edir. Toplanan qanlar irsi qan xəstəliklərindən (talassemiya, hemofiliya və s.), eyni zamanda qan və qan komponentlərinə ehtiyac olan vətəndaşlara müalicəsinə dəstək olmaq məqsədi ilə istifadə olunur.

 

Türkiyə Respublikasının Azərbaycandakı fövqəladə və səlahiyyətli səfiri Cahit Bağcı da bu aksiyanın Türkiyə və Azərbaycan qardaşlığının növbəti göstəricisi olduğunu bildirib.

Ümumilikdə 150 nəfərdən çox şəxsin qatıldığı aksiyada Azərbaycan Qızıl Aypara Cəmiyyətinin prezidenti Novruz Aslanov və Türkiyə Respublikasının Azərbaycandakı fövqəladə və səlahiyyətli səfiri Cahit Bağcı da qan verib.