Tümen Dövlət Universitetinin alimləri patogenlərin dərman preparatlarına qarşı müqavimətini aşağı salan universal təbii antibiotik tapıblar.
Aztibb.az ria.ru-ya istinadla xəbər verir ki, tədqiqatın nəticələri “Applied Biochemistry and Microbiology” jurnalında dərc edilib.
Müəlliflər tapılan maddənin insanlarda və heyvanlarda bakteriya və göbələklərlə əlaqədar olan yoluxucu xəstəliklərin əksəriyyəti ilə effektiv mübarizəyə kömək edəcəyini iddia edirlər.
Tümen Dövlət Universitetinin tədqiqatçıları dünyada ilk dəfə peptid Emerisillipsin A-nın unikal qabiliyyətini nümayiş etdiriblər. Ekspertlərin sözlərinə görə, maddə bakteriyaların yenilərini meydana gətirmə qabiliyyətinə maneə törədir və bu, patogenlərin antibiotiklərə qarşı müqavimətini itirir.
Məqalə müəllifləri bildirir ki, tədqiq olunan maddənin əsas terapevtik xüsusiyyəti onun effektinin universal olmasıdır.
Mütəxəssislərin sözlərinə görə, Emerisillipsin A həm müstəqil müalicə vasitəsi, həm də kompleks preparatlar elementi kimi perspektivlidir. Müalicə inyeksiya və ya yerli olaraq təsirlənmiş toxumaya birbaşa müdaxilə yolu ilə həyata keçirilə bilər.
Gələcəkdə alimlər qrupu hüceyrə modelləri ilə işləməklə dərmanın laborator müayinəsinə keçmək niyyətindədirlər.