Bakı Şəhər Mədəniyyət Baş İdarəsi və VMR Estetik Sağlamlıq Mərkəzinin dəstəyi ilə şəhid anaları üçün həyata keçirilən “Zəfər - sağlamlıq" xeyriyyə aksiyası çərçivəsində növbəti proqram gerçəkləşdirilib.
Şəhid anaları və xanımları VMR Estetik Sağlamlıq Mərkəzində əməliyyatsız estetika üzrə beynəlxalq dərəcəli mütəxəssis Gülsüm Əliyevanın və onun həmkarlarının qonağı olublar, eləcə də həkim müayinəsindən keçərək, müvafiq prosedurları qəbul ediblər.
VMR Estetik Sağlamlıq Mərkəzində keçirilən aksiyada Müdafiə Nazirliyinin Şəxsi Heyət Baş İdarəsinin Qadınlar və Hərbi Qulluqçuların Ailələri ilə iş üzrə şöbəsinin müdiri Zümrüd Səmədova, Bakı Şəhər Mədəniyyət Baş İdarəsinin əməkdaşları, iş adamı Ruhi Əliyeva iştirak ediblər.
Qeyd edək ki, xeyriyyə aksiyasının gələcəkdə də davam etdirilməsi nəzərdə tutulub.
