Aprelin 22-də Odlar Yurdu Universitetində görkəmli oftalmoloq-alim, akademik Zərifə Əliyevanın anadan olmasının 99-cu ildönümünə həsr olunmuş tədbir keçirilib.
Tədbirdə Akademik Zərifə Əliyeva adına Milli Oftalmologiya Mərkəzinin Elmi-məlumat, tədris və təşkilati-metodik bölməsinin müdiri, t.ü.f.d. Yazgül Abdıyeva təqdimatla çıxış edib. O, görkəmli alim Zərifə Əliyevanın elmi yaradıcılığından, onun irsini davam etdirən Akademik Zərifə Əliyeva adına Milli Oftalmologiya Mərkəzinin fəaliyyət istiqamətlərindən bəhs edib.
Görkəmli oftalmoloq alimin həyat yolunu Azərbaycan tarixinin ən gözəl səhifələri kimi qiymətləndirən Yazgül Abdıyeva onun XX əsr Azərbaycan tibb elminin inkişafındakı müstəsna rolundan da danışıb. Bildirib ki, akademik Zərifə Əliyevanın elmi-pedaqoji və ictimai fəaliyyəti həkimlərin yeni nəslinin yetişməsinə və Azərbaycanda oftalmologiya elminin inkişafına güclü təsir göstərib.
