Səhiyyə Nazirliyi və Qeyri-Hökumət Təşkilatlarına Dövlət Dəstəyi Agentliyi tərəfindən QHT-lər üçün birgə qrant müsabiqəsinə dair infosessiya keçirilib.
Bu barədə Aztibb.az-a Səhiyyə Nazirliyindən xəbər verilib.
Bildirilib ki, infosessiyada Səhiyyə nazirinin müavini Nadir Zeynalov, QHT Agentliyinin İdarə Heyətinin sədri Aygün Əliyeva və digər məsul şəxslər iştirak edib.
Toplantıda birgə qrant müsabiqəsinə dair suallar cavablandırılıb, ətraflı izahlar verilib.
İnfosessiyada 30-dan çox QHT iştirak edib.
Xatırladaq ki, müsabiqə üzrə QHT-lərin layihə təkliflərinə dair sənədlərin qəbuluna 2026-cı il avqustun 6-da başlanıb. Müraciət üçün son tarix 2026-cı il 26 avqustdur.
Sənəd qəbulu bitdikdən sonra təqdim olunan layihə təkliflərinin ekspertizası aparılacaq, layihələr təhlil ediləcək, qaliblər müəyyənləşdiriləcək və adları elan olunacaq.
