23–24 oktyabr 2026-cı il tarixlərində keçiriləcək I Milli Leyşmanioz Konfransı ölkənin aparıcı alimlərini, həkimlərini, laboratoriya mütəxəssislərini, tədqiqatçılarını və səhiyyə sahəsinin nümayəndələrini bir araya gətirəcək.

Aztibb.az xəbər verir ki, konfransın məqsədi dünyanın və ölkəmizin ictimai sağlamlıq problemlərindən biri olan leyşmaniozun diaqnostikası, müalicəsi epidemiologiyası və profilaktikası sahəsində mövcud problemləri ortaya qoymaq və eləcə də son illərdə leyşmaniyaya qarşı biotexnologiya nanotexnologiya və sünii intellekte əsaslı yeni multidissiplinar yanaşmaları müzakirə etməkdir.

 
Proqram

23 oktyabr -Praktik Workshop

24 oktyabr -Elmi Konfrans

Konfrans çərçivəsində leyşmaniozun epidemiologiyası və müasir vəziyyəti, leyşmaniozun müasir laborator diaqnostikası, leyşmaniozda klinik yanaşmalar və innovativ müalicə strategiyaları, vektor və heyvan rezervuarlarının monitorinqi və nəzarəti, eləcə də “Vahid Sağlamlıq (One Health)” yanaşmasının leyşmaniozla mübarizədə rolu istiqamətlər üzrə elmi müzakirələr aparılacaq

Tədbirin təşkilatçıları

Azərbaycan Respublikasının Səhiyyə Nazirliyi V. Y.Axundov adına Elmi Tədqiqat Tibbi Profilaktika İnstitutu

Azərbaycan Respublikasının Kənd Təsərrüfatı Nazirliyi Baytarlıq Elmi-Tədqiqat İnstitutu

Azərbaycan Respublikasının Elm və Təhsil Nazirliyi Canlı Sistemlərin Tədqiqi İnstitutu

I Milli Leyşmanioz Konfransının iştirakçısı olmaq, elmi bilik və təcrübə mübadiləsinə qoşulmaq istəyənlər müraciət edə bilər:

Qeydiyyat və ətraflı məlumat üçün:

+994 77 591 94 91
+994 70 541 21 44