Neftçala rayonunun Aşağı Qaramanlı kəndində PAŞA Holdinqin təşəbbüsü, ALL Medical MMC-nin təşkilatçılığı ilə fərqindəlik layihəsinin “Erkən müayinə can qurtarır!” aksiyası keçirilib.

Bu barədə Aztibb.az-a Neftçala RMX-dan məlumat verilib.

Bildirilib ki, aksiya çərçivəsində kənd sakinlərinə müxtəlif ixtisaslar üzrə ödənişsiz tibbi müayinə və həkim konsultasiyalar təqdim olunub. Ümumilikdə 189 nəfər müayinədən keçirilib.

Müayinə zamanı diabet aşkarlanan 7 nəfər, həmçinin 3 qazi ailəsi qanda şəkərin müntəzəm monitorinqi üçün qlükometrlə təmin edilib. İştirakçılara diabet, sağlam həyat tərzi və erkən diaqnostikanın əhəmiyyəti barədə maarifləndirici materiallar təqdim olunub.

Aksiyanın əsas məqsədi regionlarda əhalinin tibbi müayinələrə çıxışını artırmaq, xəstəliklərin erkən aşkarlanmasına və sağlam həyat tərzinin təşviqinə dəstək olmaqdır.