Salatlar müxtəlif xarakteristikalı məhsulların birləşməsindən ibarətdir. Buna görə də, onların yararlıq müddətini müəyyən etmək asan olmur. Yararlılıq müddəti bitmiş salatlardan ağır qida zəhərlənməsi ehtimalı yüksəkdir.

Aztibb.az medikforum.ru-ya istinadla xəbər verir ki, Rusiyanın Rospotrebnadzor İdarəsindən qeyd edirlər ki, belə yeməklərə souslar və əlavələrin qatılması mikrobların artımını sürətləndirir, beləliklə salatlar tez xarab olan məhsullar qrupuna aid olur. Onları soyuducuda +2ºС-dən +6ºС-yə qədər temperaturda saxlamaq tələb olunur.

Salatların ümumi yararlılıq müddəti tərkibdəki inqrediyentlərdən asılıdır. Belə ki, çiy meyvələr, çiy və ya qaynadılmış tərəvəzlər, ət, (həmçinin quş və hisə verilmiş) qatılmış yeməkləri sous əlavə etmədən 18 saatdan çox, sous əlavə edildikdə isə 12 satdan çox olmayaraq saxlamaq lazımdır.

Reseptdə dəniz məhsulları olduğu halda, yararlıq müddəti 12 saata qədər azalır.

Daha uzun müddətli salatlara isə turşuya qoyulmuş tərəvəzlərin qarışığından ibarət salatlar aiddir. Onları 36 saat ərzində təhlükəsiz istifadə etmək olar. Ən qısamüddətli yeməklər isə tərkibində yumurta və ya tərəvəz konservləri olanlardır. Onları sousun əlavə edilməsindən sonra 6 saata qədər saxlamaq olar.