"Tək xayası olan oğlan uşaqları gələcəkdə fertilizasiya - övlad sahibi olmaq baxımından bir problem yaşamaz".
Aztibb.az xəbər verir ki, Mərkəzi Gömrük Hospitalının Uşaq cərrahiyyəsi şöbəsinin yüksəkixtisaslı uzman uşaq cərrahı Vüsal Cəfərov “Uşaqlarda Kriptorxizm” mövzusunda canlı yayımda çıxış edərkən belə deyib.
Onun sözlərinə görə, əsas problem xayanın tək olmasıdır ki, bu da hər hansı bir bədxassəli şiş yaranar və ya travma olarsa, uşağın daimi hormona bağlı olmasına səbəb ola bilər. Bu səbəbdən tək xayası olan uşaqların ailələri onları travmalardan qorumalıdır.
Həkim qeyd edib ki, normal xayalarda kriptorxizm yüksək deyilsə (kanal içərisindədirsə), bu zaman da fərqli manevrlərlə kriptorxizm əməliyyatını 6 ayı tamam olmuş uşaqlarda icra etmək mümkündür.
"Əgər zaman problem yaratmırsa, yəni əməliyyat müddəti çox uzanmırsa, xəstənin kliniki vəziyyəti normaldırsa, sünnəti kriptorxizm əməliyyatı ilə eyni vaxtda icra etmək olar", - deyə V.Cəfərov əlavə edib.