Aztibb.az xəbər verir ki, pediatr-neanotoloq Nurəngiz Hacıyeva bu barədə maarifləndirici məlumat paylaşıb. O, bildirib ki, son günlər uşaqlar arasında burun axma, öskürək, boğaz və qulaq ağrısı, qusma və ishal ilə müşahidə olunan xəstəliklər qeydə alınır. Lakin uşaqda burun axması allergik rinit səbəbindən də ola bilər. Ona görə də həkim müayinəsi vacibdir. Mövsümü virus infeksiyalarının yayılmasını azaltmaq uşaq kollektivlərindən başlanmalıdır.

 

 

- Bağça, kurs və məktəblərdə hər 45 dəqiqədən bir uşaqları otaqdan 5 dəqiqəlik çıxarmaq, pəncərəni açıb otağın havasın dəyişdirmək lazımdır.

- Qapalı yerlərdə (ev, bağça, məktəb) temperatur 22 dərəcədən çox olmamalıdır.

- Uşaqlar bağçaya gedərkən və qayıdarkən burun boşluqlarına dəniz suyu sprey şəklində püskürdülməlidir.

- Uşaqların qidası və yuxusu normal olmalıdır.

- Xəstəlik əlaməti varsa, uşaqlar evdə qalmalı və yalnız sağalandan 3 gün sonra kollektivə çıxarılmalıdır.