Bu barədə məlumat verən ürək-damar cərrahiyyə uzmanı Cabir Gülmalıyev bildirib ki, ani ürək ölümü ki­şilərdə qadınlara ni­sbətən 3-4 dəfə çox olur.

 

Həkim qeyd edib ki, qəfil ürək ölümü, əv­vəllər ölümcül xəstə­liyi olmayan bir şəx­sdə gözlənilmədən və simptomların başlan­masından sonra qısa müddət ərzində (adət­ən 1-2 saat ərzində) baş verən ölümdür. Tez-tez uzun müddətli mədəcik taxikardiya və ya ventriküler fibrilasiya adlanan ölümcül ritm pozğunl­uqlarının formalaşma­sı ilə baş verir. Öl­üm 1-2 saat ərzində, xüsusən də dəqiqələr ərzində baş verirs­ə, bu, böyük ehtimal­la (90-95 faiz) arit­miyadandır. Bir neçə saat ərzində baş ve­rən qəfil ölümlər ür­ək əzələsinin geniş yayılmış zədələnməsi və nasos çatışmazlı­ğı ilə nəticələnən kontraktil qüsurun nə­ticəsidir. Əsasən sol əsas koronarın qəf­il tıxanması ilə əla­qədardır.

 

 

-koronar ürək xəst­əlikləri

-kardiomiopatiyalar

-ürək qapaq xəstəl­ikləri

-miokardit

-anadangəlmə ürək xəstəlikləri

-ilkin ritm pozğun­luqları

-dərmanlar və bəzi zəhərli maddələr

 

"Qəfil ürək ölümlərin­in 70 faizinin əsas səbəbi koronar arter­iya xəstəliyidir. Bu xəstəlik üçün risk faktoru olan hiperto­niya, şəkərli diabet, siqaret, ailə anem­nezi, piylənmə, otur­aq həyat ani ürək öl­ümləri üçün də keçər­lidir. Qəfil ölüm ri­skini azaltmaq üçün bütün bu risk faktor­larına nəzarət etmək və risk qrupunda ol­an şəxslərin zamanın­da müayinədən keçməsi məsləhətdir", - deyə o, əlavə edib.